retina
retina
retina
retina
retina
retina
retina
retina
retina
retina
Stacks Image 249
retina
Stacks Image 304
retina
Stacks Image 306
retina
retina
retina
retina
retina
retina
retina
retina
retina
retina
retina
retina
retina
retina
retina
retina
retina
retina
retina
Stacks Image 478
retina
retina

فبنگ سے چھٹکارہ ، فکر انگیز انشے Phubbing, THOUGHT-PROVOKING INSHAY

Narration by: Shariq Ali
November 12, 2018
retina

The habit of snubbing someone in favor of a mobile phone is common, very annoying and can harm your relationships. Let’s get rid of it

 

 

فبنگ سے چھٹکارہ ، فکر انگیز انشے ، شارق علی

کمپیوٹر اور موبائل فون جیسی سہولتوں نے ہماری زندگی کو بہت آسان بنا دیا ہے لیکن ساتھ ہی ساتھ کچھ ایسے نئے مسائل کو  بھی جنم دیا ہے جو ہماری خاندانی اور سماجی زندگی پر منفی انداز سے اثر انداز ہو رہے ہیں . انہی میں سے ایک مسئلہ فبنگ کہلاتا ہے ۔ فبنگ سے مراد ہے  ایسی سماجی صورتِ حال جس میں کوئی شخص دوران گفتگو مخاطب کے بجائے اپنی توجہ موبائل فون کی سکرین پر مرکوز رکھتا ہے ۔ظاہر ہے کہ ایسی صوتِ حال انسانی رشتوں کے درمیان دیوار کھڑی کر سکتی ہے ۔ انسانی مسرتوں میں سب سے اہم وہ خوشیاں ہیں جو ہم اپنے خاندانی رشتوں، اپنے دوستوں اور دیگر سماجی رشتوں کے حوالے سے حاصل کرتے ہیں. ان رشتوں کو برقرار  رکھنے میں ایک دوسرے سے مخاطب ہونا ایک دوسرے  پر اپنی توجہ کو مرکوز رکھنا انتہائی اہم ہے ۔ ایک تحقیق کے مطابق جب عام لوگوں سے اس بارے میں رائے لی گئی تو اُن میں سے چھیتر فیصد لوگوں نے فبنگ کو ایک منفی عادت قرار دیا اور وہ سب اس مسئلہ کے حل پر زور دیتے ہیں. ہو سکتا ہے کہ ہمارے پاس یہ بہانہ ہو کہ ہم  اپنی توجہ کو اسمارٹ فون پر مرکوز رکھ کر مسلسل سیکھتے رہتے ہیں . لیکن کیا ہم  یہ بھاری قیمت ادا کرنے پر راضی ہیں کہ ہمارے خاندان کے افراد ، ہمارے دوست اور وہ سماجی رشتے جو ہمارے لیے اہم ہیں اس عادت کا شکار ہو جائیں؟   اگر نہیں تو آئیے فبنگ سے چھٹکارہ حاصل کرنے کی کچھ تجاویز پر نظر ڈالیں ۔ پہلا کام تو یہ کیجیے کہ وہ تمام سوشل پلیٹ فارمز جو آپ استعما ل کرتے ہیں مثلاََ فیس بُک ، ٹویٹر، انسٹاگرام یا ای میل وغیرہ ، اُس کی سیٹنگز میں جا کر اپنے نوٹیفیکیشنز کو محدود کرتے چلے جائیے اور صرف اہم نوعیت کے نوٹیفیکیشنز کے لیے اجازت دیجیے ۔ بہت سے غیر ضروری نوٹیفیکیشنز نہ صرف آپ کے موبائل کی بیٹری خرچ کر دیتے ہیں بلکہ آپ کی توجہ کو بھی منفی انداز سے استعمال کرتے ہیں . پھر میسجز کے لیے تمام پِری ویوز کو بند کر دیجیے.  ایسے تما م میسجز آپ نہ صرف ایک مخصوص وقت میں پڑھ سکتے ہیں بلکہ اُن کا مناسب جواب بھی لکھ سکتے ہیں۔ تیسری تجویز اور وہ یہ کہ جب بھی آپ کسی اہم خاندانی مصروفیت خاص طور پر ساتھ کھانا کھانے میں مصروف ہوں تو آپس میں طے شدہ اصول کے تحت موبائل فون کے استعمال کو قطعی طور پر ممنوع قرار دیجیے ۔ عادت ڈالیے کہ جب آپ صبح اُٹھتے ہیں تو فوراََ ہی اپنے موبائل فون کی طرف  نہ لپکیں ۔ اس کے بجائے آپ بستر میں لیٹے لیٹے کچھ دیر کے لیے اپنے آنے والے دن کے متعلق سوچ سکتے ہیں.  مثلاََ یہ کہ اُسے بہتر اور منظم طور پر کیسے گذارا جائے ۔ اس طرح آپ کے دن کا آغاز پُرسکون انداز میں ہو گا ۔ میری ذاتی رائے میں آپ اپنے موبائل فون کے لیے پورٹ ایبل چارجر خریدنے سے پرہیز کیجیے ۔یقین جانیے اگر آپ کے فون کی بیٹری ختم ہو گئی تو دنیا جُوں کی تُوں چلتی رہے گی.  اگر آپ کو نوٹیفیکیشنز میسجز یا اپ ڈیٹس پڑھنے میں کچھ تاخیر ہو جائے تو کوئی قیامت نہ ٹوٹ پڑے گی ۔ اطمینان سے اُس وقت کا انتظار کیجیے کہ جب آپ کو چارج کرنے کے لیے مناسب پلگ دستیاب ہو.  ایک لمحے کے لئے اپنے چشمِ تصور میں وہ منظر لائیے کہ جب کوئی شخص کسی سماجی صورتِ حال میں اپنی توجہ مخاطب کے بجائے اپنے اسمارٹ فون کے سکرین پر ڈالے رکھتا ہے تو وہ کتنا سطحی اور احمق دکھائی دیتا ہے ۔ ایک ایسا شخص جو انسانی رشتوں کی اہمیت کو سمجھتا ہی نہیں.  حقیقت یہ ہے کہ موبائل فون اور کمپیوٹر کے حوالے سے ہمارا سوشل نیٹ ورک ہماری اصل زندگی نہیں۔ بلکہ زندگی کا صرف ایک مختصر سا حصہ ہے.  ہمارے ارد گِرد موجود زندہ انسانی رشتے ہماری اصل خوشیوں کا باعث ہیں ۔ اب آپ سے اجازت—– ویلوورسٹی، شارق علی

 

 

 

|     |

No Comments Yet

Be the first to add a Comment on this Post below.

Leave a Comment

*Required information

retina

FOLLOW

retina   retina   retina   retina
retina   retina   retina

SUBSCRIBE

enter your e-mail address here

  FEED

retinaINSTAGRAM

AUDIOBOO

VISITOR STAT

17,586 unique visits to date
©Valueversity, 2011-2014. All rights reserved.

Powered by Wordpress site by Panda's Eyes

retina
Stacks Image 218
retina
Stacks Image 222
retina
Stacks Image 226
retina
Stacks Image 230
retina
Stacks Image 234
retina
Stacks Image 238
retina